Sunny Deol ki dhamakedar film 'Jaat' ab Netflix par – 5 June se shuru hoga action ka silsila

 Sunny Deol ki dhamakedar film 'Jaat' ab Netflix par – 5 June se shuru hoga action ka silsila

Bollywood ke veteran actor Sunny Deol ek baar phir se apne zabardast action ke saath digital platform par chhane ke liye taiyar hain. Unki blockbuster action drama film Jaat, jise theatre mein already kaafi pasand kiya gaya tha, ab Netflix par release hone ja rahi hai. Sunny Deol ne khud ek video ke zariye is baat ki pushti ki, jo ki Netflix ke Instagram handle par share ki gayi thi.

Video mein Sunny Deol apne classic andaaz mein fans se keh rahe hain, “Tareekh note kar lo!” – ek dialogue jo unke fans ke liye ek nostalgia se kam nahi. Aur is tareekh kaafi khaas hai – 5 June, jis din Jaat Netflix par Hindi aur Telugu dono bhashaon mein stream ki jaayegi.

Film ki kahani aur star cast

Jaat ka direction kiya hai Gopichand Malineni ne, aur isse produce kiya hai People Media Factory aur Mythri Movie Makers ne. Film mein Sunny Deol ke alawa kai aur talented actors bhi hain jaise Randeep Hooda, Vineet Kumar Singh, aur Saiyami Kher. Film ne ab tak duniya bhar mein ₹118.78 crore (nett) kama liye hain, jo ki iske popularity ka saboot hai.

Kahani set hai 2009 ke Tamil civilian war ke baad ke daur mein, jahan Ranatunga (Randeep Hooda), ek war criminal, Sri Lanka se bhaag kar India aata hai apne sath chhupa hua khazana lekar. India aake woh apne gang ke sath milkar lagbhag 30 gaonon mein apna aatank ka raj bana leta hai. Jab zulm apne charam par pahuchta hai aur logon ki ummeed tootne lagti hai, tab unki madad ke liye aate hain Brigadier Baldev Pratap Singh, jiska kirdar Sunny Deol ne nibhaya hai. Film mein action, emotion aur deshbhakti ka zabardast mix hai jo dekhne walon ko puri tarah baandh ke rakhta hai.  

iise bhi padhe...

Film ki success ko dekhte hue makers ne April mein Jaat ke sequel ka bhi announcement kar diya hai, jo Sunny Deol ke fans ke liye ek aur badi khushi ki baat hai. Aisa lagta hai ki action aur patriotism ka yeh safar abhi khatam nahi hua hai.

Border 2 – ek aur nostalgia ride

Iske alawa Sunny Deol ek aur iconic role mein wapas aa rahe hain – Border 2 ke saath. JP Dutta ki 1997 ki cult classic film Border ko bhala kaun bhool sakta hai? Ab usi kahani ko aage badhane ja rahe hain Sunny paaji, aur is baar cast mein aur bhi naye chehre jurney wale hain jaise Diljit Dosanjh, Varun Dhawan aur Ahan Shetty. Fans ke liye yeh ek double treat hai – ek taraf Jaat aur doosri taraf Border 

humari ray

To agar aap action, deshbhakti aur zabardast performances ke fan hain, to 5 June ki tareekh zaroor note kar lijiye. Jaat Netflix par aane wali hai aur Sunny Deol ek baar phir se dikhayenge ki asli hero kaun hota hai. Ab dekha yeh jaayega ki OTT platform par bhi Sunny paaji wahi dhamaka kar paate hain ya nahi – lekin unka track record dekh kar to yeh tay hai: dhamaka to hoga!